- ინტერდისციპლინური ლექციები: ქცევა, როგორც მთლიანი ფენომენი (ფიზიოლოგიის, ფსიქოლოგიის, სოცილოგიის გამოცდილების ინტეგრაცია)
- ქცევის შესასწავლად გამოყენებული ფიზიოლოგიური, ფსიქოლოგიური, სოციოლოგიური მეთოდების (ენცეფალოგრაფია, ადამიანის აგრესიის საზომი კითხვარები, ინტერნეტ ადიქციის საზომი კითხვარები) განხილვა და სტუდენტების ტრენინგი ამ მეთოდების გამოყენებაში, მონაცემების აღებასა და ანალიზში
- ადამიანის ქცევის კორექციის მეთოდი: ფსიქოანალიტიკური სეანსი, მისი თავისებურებები, ჩატარების ტექნიკა, ქეისების განხილვა
- ადამიანის ქცევის შესწავლის სამედიცინო ასპექტები, მათი კავშირი სოციალურ, ფიზიოლოგიურ და ფსიქოლოგიურ ფენომენებთან
- ინტერდისციპლინური კონფერენცია: სკოლის ფარგლებში ჩატარდება სტუდენტური სამეცნიერო კონფერენცია. სკოლის მონაწილეები წარმოადგენენ თავის დარგში შესრულებულ საკუთარ ნაშრომებს აუდიტორიის წინაშე.
სკოლას უძღვებიან: მალხაზ მაყაშვილი (ილიას უნივერსიტეტი, ასოცირებული პროფესორი), თამარ აზმაიფარაშვილი (ფსიქანალიტიკოსი, ევროპის ფსიქოანალიტიკოს ფსიქოთერაპევტთა საქართველოს საზოგადოების კოორდინატორი), ბაკურ კოტეტიშვილი( მედიცინის დოქტორი, ფსიქო-ნევროლოგიური კლინიკის ხელმძღვანელი), ირმა ხაჩიძე (ბიოლოგიის დოქტორი, ექსპერიმენტული ბიომედიცინის ინსტიტუტის თანამშრომელი), ტეტიანა კაჩინსკა (ბიოლოგიის დოქტორი, ლესია უკრაინკას აღმოსავლეთ ევროპის უნივერსიტეტი-უკრაინა)
სკოლაში მონაწილეობის მისაღებად ვიწვევთ:
- ილიას უნივერსიტეტის,
- თელავის იაკობ გოგებაშვილის სახელობის სახელმწიფო უნივერსიტეტის
- ქუთაისის აკაკი წერეთლის სახელმწიფო უნივერსიტეტის და
- ბათუმის შოთა რუსთაველის სახელმწიფო უნივერსიტეტის სტუდენტებს,
თითოეული დაწესებულებიდან 10 სტუდენტს.
სკოლაში მონაწილეობის მისაღებად კანდიდატმა უნდა გამოაგზავნოს სააპლიკაციო ფორმა (PDF ფაილი, silfaen, 11, 1.5 ინტერვალი) მისამართზე malkhaz_makashvili@iliauni.edu.ge
- გვარი, სახელი, ასაკი
- სასწავლო დაწესებულება
- სამოტივაციო წერილი
სკოლის მონაწილის შერჩევისათვის პრიორიტეტული კრიტერიუმია სტუდენტის მიერ გაკეთებული კვლევითი ნაშრომი შესაბამის დარგში. დასაშვებია თეორიული ნაშრომის წარმოდგენაც.
ამ ნაშრომების აღწერა ატვირთული უნდა იყოს იმავე ფაილში მეოთხე პუნქტის სახით.
კვლევითი ნაშრომის აღწერა გულისხმობს გაფართოებულ რეზიუმეს, 2 ნაბეჭდი გვერდის სახით, სადაც ასახული იქნება ნაშრომის მიზანი, მეთოდიკა, შედეგები და მათი ანალიზი. თეორიული ნაშრომის შემთხვევაში რეზიუმეში ასახული უნდა იყოს საკითხის მთავარი იდეა.
შერჩეულ ნაშრომებს სტუდენტები წარმოადგენენ სკოლის სტუდენტურ კონფერენციაზე. სკოლაში შერჩევის შესახებ მონაწილეს ეცნობება სკოლის დაწყებამდე ერთი თვით ადრე. მონაწილეებს ეცნობებათ აგრეთვე, რა სახის მოხსენებას (ზეპირი, სტენდური) გაკეთებენ.
სკოლის მონაწილეები უზრუნველყოფილი იქნებიან სასწავლო მასალებით, სასტუმროთი, კვებით, თბილისიდან თელავში და თელავიდან თბილისში ტრანსპორტირებით.
სკოლა ღიაა თავისუფალი მსმენელებისთვის.